Зохиолч: Гүи Де Мопассан
Орчуулагч: Д. Лодойдамба
Ангилал: Францын уран зохиол
Хэвлэлийн газар: УЛСЫН ХЭВЛЭЛИЙН ХЭРЭГ ЭРХЛЭХ ХОРОО
Дурлалын тухай хүүрнэлдэн хөгжөөнтэй маргаан үүсэж, амьдралд жинхэнэ үнэнээр нэг л удаа дурладаг юм уу, эсхүл олон удаа дурлаж болох уу? гэсэн үргэлжийн маргаан дэгдлээ. Зарим нь жинхэнэ ёсоор ганцхан л удаа дурладаг юм гэж итгүүлж байхад бусад нь тас зөрж, олон удаа тачаадан дурлаж болно гэж баталж байв. Тачаал бол алив нэгэн өвчинтэй адил олон удаа тохиолдож болох бөгөөд хүнд халдан, хамаг бие махбодыг нь эзэмшээд, замд нь ямар нэг саад тотгор дайралдвал үхэлд хүргэж чадах юм гэж эрэгтэйчүүд үзэж байв. Үүнээс хэн ч татгалзаагүй боловч дурлал нь амьдралын туршлага дээр биш, яруу найраг дээр үндэслэсэн, эмэгтэйчүүд жинхэнэ үнэнч, агуу дурлал бол үхэн үхтэл ганцхан удаа дайралдаж болох бөгөөд тэр нь хүний сэтгэл санааг аянга мэт үнсэн товрог болгож, хоосолдог юм. Түүнд өөр ямар ч хүчтэй сэтгэгдэл, тэр ч байтугай өчүүхэн төдий санаа бодол ч төрж эс чадна гэцгээж байв...
