Зохиолч: Цокто Номтоев
Орчуулагч: Харгана Г. Амар
Ангилал: Оросын уран зохиол
Хэвлэлийн газар: Улсын хэвлэлийн газар
Хөдөлмөрт дуртай, дархлахдаа гарын дүйтэй, намхан биетэй Баяр гэдэг хархан хүү ангидаа инээмсэглэсээр орж ирэв.
Баяр, сониноор ороосон хавтгай юм болгоомжтойхон барьжээ. Мөн хоёр нөхөд нь ч араас нь хоцрохгүй дагана. Баярын барьж ирсэн зүйл, бүхний сонирхлыг татаж юу бол гэж хүсэгчид хурц сэргэлэн харцаараа дагуулан ширтэж байлаа.
Тэдгээр гурван хүүхэд биологийн багш Зоригтын Амгаланд ойртон очоод, түрүүнд нь явсан Баяр сайрхсан байдалтайгаар боодолтой зүйлээ сарвайв. Зоригтын Амгалан хэсэгхэн зуур гайхан зогссоноо, сурагчдынхаа авчирсан зүйлийг авч задлав. «Алганын араг яс» гэж хатуу цаасан дээр том үсгээр тун цэвэрхэн бичсэн хаягийг харлаа. Хатуу цаасны дунд том гэгчийн алгана загасны жинхэнэ араг яс байв. Их л тэсвэр, оролдлоготойгоор эвлүүлж бүтээсэн нь харахад илт. Ясныхаа доор үе тус бүрийн нэрийг дурайтал бичсэн ажээ.
Зоригтын Амгалан анхааран ширтсэнээ:..
