Зохиолч: Б. Ахтаан
Орчуулагч: Б. Бааст
Ангилал: Монголын уран зохиол Шүлэг, найраглал
Хэвлэлийн газар: Тодорхойгүй
Амьдралдаа үзсэн юмс, санаанд тодхон байнам,
Ахтаан ах чинь түүнээсээ, өгүүлэхгүй байж болох уу!
Агабалаатай цэц булаалдсан, нэгэн сүрхий тулаан
Аюулхай цээжинд одоо ч, юутай илхэн байна вэ!
Агабалаа арван естэй, баяны анхилхан охин,
Араб бичиг номтой, жавхаатай яруу найрагч
Хадам юугаан даган, найр цэнгэл хөөсөөр, би
Халз тулсан юм түүнтэй, Жайрт нэг найр дээр
Агабалаа Жайрыг донсолгосон, алдар суутай бүсгүй
Ард олон нь түүнийг, магтан сайшаах нь бахтай
Алтайн ногоон зуслангууд шаргал өнгөөр халиураад
Ахтааны сэтгэл хөдөлгөсөн халиун намар байж билээ...
