Энэ авхайтан бол бузар хэргээ нуун далдлаад, ариун ёс суртахууныг үл хайхрагч хатан эрхэмсэг, дэгжин авхайчуулын нэг нь байлаа. Тэрээр сайхан эрчүүлд шохоорхон дурладаг байсан нь аргагүй биз дээ.
Бондеруаг нас барснаас хойш бэлэвсэн авгай амар жимэр ажин түжин сууж, газрынхаа түрээсээр, гачигдах дутах юмгүй амьдарч байжээ. Энэ авгай сүмд үе үе үнэн сүжгээр мөргөхөөр очиж, ойр дотно хүмүүсээ жигшин зэмлэх мөртөө хар толгойныхоо үйлдсэн хамаг гэм бурууг хэрэгсэн үл тооцно. Тэгээд нас ахиж намбагүй өтөлсөн, тавтиргүй маягт овилгогүй хөгшин болжээ...
