Зохиолч: Вера Кетлинская
Орчуулагч: Бүрэнханы Д. Чойжил
Ангилал: Оросын уран зохиол
Хэвлэлийн газар: Улсын хэвлэлийн газар
Залуучууд хүүхэн булаацалдаж зодолдсон тэр өдрөөс сэтгэл хямарч эхэлжээ. Тоня эрчүүлийн хэрцгий догшныг зэвүүцэж билээ. Харин Тоняг булаалдаж, өмөөрч зодолдсон хүн байхгүй. Тоняг бүгд тойрон өнгөрчээ. Тэгэхэд Тоня хүн болгонд гомдож, дотор харласан үе ч бий. Толь байсан сан бол, гучин эрийн дунд ганц хүүхэн оногддог энэ газар хүртэл нэг ч эрийн харц тогтмооргүй тийм муухай хүүхэн юм болов уу, би? гээд даруй гүйн одож, тольдох байсан биз ээ. Гэвч толь байсангүй. Ер нь Тоня өөрийгөө тийм муухай хүүхэн биш гэдгийг тольтой тольгүй мэднэ... Тэгвэл яагаад ийм байна вэ? Яагаад вэ?! Тоня одоо хорин гурван нас хүрсэн атал багад нь цэцэрлэгт зугаалж яваа танихгүй улс хажуугаар нь хайхрамжгүй өнгөрдөг байсны нэгэн адил, хайр дурлал тойрон өнгөрсөөр өдий хүрчээ.
Тоня янаг сэтгэлийг хүсдэг үү? гэвэл...
