Зохиолч: Рэй Брэдбери
Орчуулагч: Н. Цэвэгмид
Ангилал: Америк уран зохиол уран зөгнөл
Хэвлэлийн газар: БНМАУ-ын Ардын боловсролын яамны хэвлэл
Эйнар гуайн гайхамшигтай торгомсог далавч далайн давлагааны өнгөт далбаа шиг бөгөөд найтаах буюу түргэн эргэхэд нь шажигнаж, шужигнана.
Тэр огт ер бишийн айлын гаралтай бөгөөд авьяас нь нүднээ илт. Түүний эгэл биш омгийнхон, ах, зээ нар болон бусад төрөл саднууд нь долоон уулын цаана бөглүү сууринуудад орогнон дуулдаагүй ид шидтэй хэрэг явдал үйлддэг, тэнгэрт тэнэмэл гал болон нисдэг, саран цагаан чоно болж ойгоор сүлждэг ажээ. Тэд хүнээс нэг их айгаад байх хэрэггүй билээ. Том ногоон далавчтай хүн айгаад яах вэ.
Тэр жигүүрээ үзэн яддаггүй ажээ. Харин ч!..
