Зохиолч: Вера Кетлинская
Орчуулагч: Бүрэнханы Д. Чойжил
Ангилал: Оросын уран зохиол
Хэвлэлийн газар: Улсын хэвлэлийн газар
Сема өөрөө хүнд хайртай гэж Тоняд хэзээ ч яриагүй боловч Тоня хүнийг хайрлахыг, хайрлах хайрлахдаа жинхэнэ ёсоор, нарийн ээдрээ зөрчилтэй хайрлахыг чухам Семагаас сурчээ. Энэ бол нүүр тал харж өршөөн хэлтрүүлэхийг мэддэггүй боловч идэвхт үйл нэвт шингэсэн чангахан хайр байлаа. Хүнийг нэг хайрлавал аж төрөх, биеэ боловсруулах, тэмцэхэд нь туслах хүсэл төрнө.
Морозов хүнийг иймэрхүү янзтай хайрладгийг Тоня ажиглажээ. Морозов Тоняг ч бас хайрлаж, санаж сарвайж явдаг байна. «Сайн ажиж шинжээрэй. Ярилцаарай... Чамд ч бас тустай» гэж хэлж байсан. Тэгэхлээр Морозов Тонягийн сэтгэлийн зовлонг мэдсэн байх нь ээ?
Гэвч Тонягийн сэтгэлийн зовлон нимгэрчээ...
