Зохиолч: Б. Ахтаан
Орчуулагч: Б. Бааст
Ангилал: Монголын уран зохиол Шүлэг, найраглал
Хэвлэлийн газар: Монголын зохиолчдын хороо
Үймээний жилүүдийн тоосонд, зургаахан настай дайрагдаж,
Үлэмжийн хайртай аав, ээжээ, дайсны хөлд гишгүүлж,
Үнсэнд хаягдсан шалз шиг өнчирсөн үрсийн нэг нь
Үүдтэй бүхнийг татсан бяцхан Досымбек билээ.
Тогооны хусам горьдсон тэжээвэр нохой шиг сэртэлзэн
Тэнд эндхийн айлын үүд сэвэлзүүлэн онголзуулж
Идэх уухаасаа илүүчилсэн хүний царайг харахдаа
Эевэргүү алаг нүдээрээ инээж шагнана, Досымбек хүү!
Аашилж загнасан хүнийг муу муухай гэж бодно,
Аль вэ, нааш ир гэснийг нь аав ээж мэт санана,
Наадаж тоглосон хүүхдийг, найз нөхөр минь гэнэ,
Дээрэлхэж шоглосон жаалуудад дэмий хөөрхий минь гомдоно.
