Зохиолч: Юрий Нагибин
Орчуулагч: Ж. Лхагва
Ангилал: Оросын уран зохиол
Хэвлэлийн газар: Улсын хэвлэлийн газар
Ээж минь намайг гадаад хэлтэй болгох гэж их л мэрийдэг байжээ. Багш хөлслөх мөнгөөр өлмүү зэлмүүхэн байсаар намайг долоо хүргэчихсэн хойноо хямд хөлсөөр хичээл заах залуу герман хүүхэн нэгийг олсон хэрэг.
— Энэ багш Сережад хэл заагаад зогсохгүй, салхинд гаргаж байх болно. Хонгор шар үстэй, цэнхэр нүдтэй, залуу хөөрхөн, ёстой Гретхен л гэсэн үг. Нэрийг нь Анна Ивановна гэдэг. Орос оронд төрсөн, оросоор ус цас шиг ярина гэж ээжийг магтахад өвөө сахлаа хөдөлгөн бувтнаж:
— Тэгээд тэр чинь хө, герман хэлээ мэдэх юм уу? гэв.
— Овог нь Борхарт, жинхэнэ герман нэр шүү дээ.
Ээж хэтрүүлсэнгүй...
