Зохиолч: Юрий Нагибин
Орчуулагч: Ж. Лхагва
Ангилал: Оросын уран зохиол
Хэвлэлийн газар: БНМАУ-ын Ардын боловсролын яамны хэвлэл
Антуана де Сант Экзюперийн жижигхэн хан хүү шиг энхэр ялдам мөртөө харь гарагаас ирсэн юм шиг ааштай тэр нэг хачин хүүхэд үнэхээр байсан бил үү, эсвэл би зүүдэл лүү? Байсан гэдгийг нь би мэдэж байна. Байх байхдаа таван салаа, хургана чих, шарилж, лууль битүү ургасан чулуун зам үнэхээр байсан шиг тэр хүүхэд байсан юм. За зүүдэлсэн ч юм гэлээ энэ хүү, байсан нь ямар ч маргаангүй олонх хүнээс илүү хүчтэйгээр сэтгэл зүрхийг хөндөж орхижээ.
Гайхамшиг гэгч гар сунгах төдийд баригдахаар ойрхон байхад л бид түүнийг огт мэдэлгүй өнгөрөх нь бишгүй байдаг! Тэр өдөр нэгэн жижигхэн гайхамшгаар эхэлсэн юм...
