Зохиолч: Й. Авижюс
Орчуулагч: С. Лочин
Ангилал: Гадаадын уран зохиол
Хэвлэлийн газар: Улсын хэвлэлийн газар
Саяхан нэг герман ирж «Өөх өг!» гэсэн. Цатгалан нохой инээж, хайрцаг тамхи сарвайсан. Би тамхи татдаггүй болохоор чиний энэ үнэр ханхалсан өвсний хог чинь надад юундаа хэрэгтэй бил ээ? Зайлж холд, аянганд ниргүүл! Мэдээж юу ч хэлээгүй. Зоориндоо орж хэсэгхэн өөх огтолж өгсөн. Хахаж үх! Ингэж хэлтлээ дургүй хүрсэн. Өөрийгөө тосгоны шаар гэсэн сэтгэл төрж уйлмаар байв. Тэр биднийг нядалж байхад, бид устгах машин нь сайн ажиллаг гээд тэднийг тэжээж, үр тариагаа өгч, малын хашаагаа хоосолно. Бурхан өршөөг, бид өөрсдөө алахгүй байна! Бид буруутан биш, зөвхөн алуурчдыг тэжээж байна. Харин бидний хажууханд байгаа шударга хүнд өл залгах юм олдохгүй юм...
