Зохиолч: С. Сандагдорж
Орчуулагч:
Ангилал: Монголын уран зохиол Хүүхдийн уран зохиол Шог хошин
Хэвлэлийн газар:
Байз, байз! багш юу гэл ээ? Тийм, тийм «Үлгэр ардын хүсэл эрмэлзлийг шингээсэн байдаг. Эрт урьд цагт хүн агаараар нисэхийг мөрөөдөж, нисдэг морь, модон шувуу, шидэт хивсний тухай үлгэр зохиосон. Эдүгээ тэр хүсэл нь биелж, агаараар нисэх хүчит техниктэй боллоо гэсэн. Нисдэг шувуу гэдэг нь онгоц юм. Гэтэл нисдэг морь байхгүй шүү дээ. Хэрэв моринд нисдэг далавч хийвэл хэчнээн сонин бэ? амьтан их гайхна даа»
Ийм бодол Мөнхийн толгойд эргэж, эмээлд даруулж холгосон газар нь цагаан үс ургасан халиуныг тойрч, хаана нь далавч суулгавал сайн бэ? гэж үзэв. Үлгэрийн морь үзэхэд, хааныхаа дээр жигүүртэй, энэ халиуны хаан дээр жигүүр суулгая гэж бодоход тийм том далавч хаанаас олдох вэ? Тасын далавч суулгавал яах бол?..
