Зохиолч: Халифа ат Тикбали
Орчуулагч: Э. Бүрэнхүү
Ангилал: Гадаадын уран зохиол
Хэвлэлийн газар: Улсын хэвлэлийн газар
Бүсгүйг гудамжны нөгөө талд явахыг залуу харжээ. Бүсгүй гудамжаар гарч очих дохио өгөхөд залуу дороо зогсон хүлээв. Олон машин цуваад хэдэн хором бүхэл бүтэн цаг шиг үргэлжилнэ. Тэр машинууд чухам хаанаасаа тэгж гарч ирдэг юм бэ, бүр тэгэхээс тэгэх гэсэн юм шиг хойно хойноосоо цуваад дуусдаггүй. Тэд хөх утаа хаялан аахилж уухилах мэт пижигнэн цувна.
Залуу тэсэж ядан зүрх нь улам догдлов. Бүсгүй ойртож ирээд бусдын эрээ цээргүй харцнаас нүүрээ нуусан нөмрөгийнхөө сэжүүрийг барьсан гартаа атгаж явсан зурвасаа залууд чулуудаж өгөв. Бүсгүй нөмрөгөө үл ялиг нээхэд сайхан хар нүд, хэсэг цацаг үс нь харагдав. Залуу бүсгүйн царайг ерөөс хараагүй боловч хайр сэтгэл нь түүнд нэгийг бодогдуулжээ...
