Зохиолч: Лао Шэ (Шө)
Орчуулагч: Г. Сүхбаатар
Ангилал: Хятадын уран зохиол
Хэвлэлийн газар: УЛСЫН ХЭВЛЭЛИЙН ХЭРЭГ ЭРХЛЭХ ХОРОО
Сянцзы Хайдянийн нэг буудлын газар гурав хоног хэвтэхдээ заримдаа халууран чичрүүлж, заримдаа ухаан алдаж буйл нь хөхрөн хавдаж, хоолонд дургүй болж ам нь цангана. Халуун нь буурахад огт тамир тэнхээгүй маш сул болжээ. Сянцзы дэмийрч, зүүдэндээ ярихад нь хүмүүс тэмээнийх нь явдлыг сонсч, «тэмээ» гэж хочлох болжээ.
Анх хотод орж ирэхэд нь овог байхгүй байсан юм шиг, Сянцзы гэж дууддаг байв. Одоо Сянцзы гэдэг нэрэнд нь «тэмээ» гэдэг хоч нэмээд, овогтой эсэхийг нь хэн ч үл сонирхоно. Харин үүнд онц сэтгэл зовохгүй байв. Гэвч тэмээгээ худалдаад гучин тавхан юаниар бас «тэмээ» хоч авсандаа гоморхоно...
