Зохиолч: Ардын аман зохиол
Орчуулагч:
Ангилал: Аман зохиол Үлгэр, домог
Хэвлэлийн газар: ГЭГЭЭРЛИЙН ЯАМНЫ ХЭВЛЭЛ
Эрт урьд цагт нэг хаан байжээ. Тэр хаан ганцхан хүүтэй өөрийнх нь нас өндөр болсон юм гэнэ.
Хаан ширээгээ үе залгамжлуулах ганц хүүдээ өгье гэхэд өгөх нөхцөлгүй юм гэнэ.
Хүү нь хаан ширээг эзлээд төр улсыг захирах байтугай айлын айлд ороод мэнд мэдэж чаддаггүй хамгийн тэнэг тийм хүн гэнэ. Ийм хүнд үе залгамжлах ёстой гэж төрийн хэргийг шилжүүлэн өгч болохгүй гэж бодоод, бүх түшмэдээ цуглуулж, би нас өндөр болж, хааны албыг дийлэхийг байв. Та нар хааны албыг хэндээ өгөхийг ярилцах хэрэгтэй, гэж зарлиг болсонд бүх түшмэл ярилцаж, хүн хөлөө шивэртэй гэж тайраад хаях биш, тэнэг гэж хүүгээ голж болохгүй, танай хүүг хаан ширээнд суулгая. Харин хааны ажилд нэмэр өгөх нэг бүсгүй авч өгвөл зохино. Хань эхнэр муу бол төрийн хэргийг явуулж чадахгүй гэж түшмэд нь санал тавьжээ...
