Зохиолч: Ш. Гаадамба
Орчуулагч:
Ангилал: Монголын уран зохиол
Хэвлэлийн газар: Улсын хэвлэлийн газар
Мэс заслын их эмч Дэмбэрэл, оюутны ширээний танил нөхрөө эрдэмтэн болж ирлээ гэж сонсоод, нэгд нөхрийн ололт амжилтыг сонсож баярлалцах, хоёрт өөрөө хожим эрдмийн зэрэг хамгаалахаар явж магадгүй гэж бодоод ажил мэргэшлийн дагуу оролдсоор байгаа нэг сэдвийн тухай зөвлөгөө сонсъё гэж намрын нэг сайн өдөр (ням гарагт) тэднийд очлоо.
Харилцан найртай мэндлэлцээд, эрдэмтэн найз нь зочноо дугуй ширээний дэргэд зөөлөн сандалд суулган, тамхи, чихэр, тэргүүтнийг тавьж эхнэргүй эрчүүдийн маягаар дайлав. Тэгээд найртай яриа эхлэв.
Тэгэвч, оюутны ширээг орхисноос хойш энэ таван жилд тэдний хооронд их ялгаа гарсныг эрдэмтэн, ухаан бодлоороо биш, сэтгэл санаагаараа мэдэрч байжээ. Яагаад ч тэгсэн юм бэ?..
