Дондовын Нямсүрэн
(1931—1993)
Нямсүрэн Сайханы бага сургууль, Булганы долоон жилийн сургууль, Улаанбаатарын Багшийн сургуулийг завсаргүй суралцан төгсөөд Могод суманд (1951—1954) багш, Гурван булаг суманд (1954—1955) захирал, Дашинчилэн суманд (1955-1957) захирлаар ажиллаж байгаад МУИС-д орсон.
Монгол талаас Бямбын Ренчин, Энэтхэг талаас Рагу-Бэра хоёр гурван хүн Энэтхэгт сургахаар тохирч улмаар Ж. Бадраа, Ж. Гэндэндарам, Д. Нямсүрэн гурвыг явуулж сургах болжээ.
Нямсүрэн ар гэрээ санагалзан нутаг буцаж, 1960—1964 онд МУИС-аа сэтгүүлчээр төгсөөд, “Үнэн” сонины газарт сурвалжлагчаас эхлэн Үзэл суртал хариуцсан хэлтсийн эрхлэгч, Москва дахь “Үнэн” сонины сурвалжлагч зэрэг ажил хийж байгаад 1991 онд тэтгэвэрт гарсан.
1972—1975 онд ЗХУКН-ын ТХ-ны дэргэдэх Нийгмийн ШУ-ны Академийн аспирантурт суралцан төгсөж дэд эрдэмтний зэрэг хамгаалсан.
Хинди хэлнээс “Рамаяна”, Рабиндранат Таагүр-ийн “Гора” зэрэг зохиол, романыг орчуулсан.
