ЦАХИМ НОМ

Ц. Сүхбаатар

Цэгмидийн СҮХБААТАР

Архангай аймгийн Цэцэрлэг хотод 1942 онд албан хаагчийн гэр бүлд төрсөн.

1965 онд Монгол Улсын Их Сургууль, 1975 онд Москвагийн Дорно дахины судлалын хүрээлэнгийн аспирантур төгсөж,

1967-1968, 1995 онд Парисын Сорбоны Их сургуульд мэргэжил дээшлүүлсэн.

1988 онд доцент, 1996 онд профессор, 2005 онд Монгол Улсын Гавьяат багш цол хүртсэн.

Парисын Дорно дахины хэл соёл иргэншлийн дээд сургуульд 1969-1972, 1989-1991 онд, Италийн Дорно дахины хэлний дээд сургуульд 1975-1976 онд, Бээжин, Тунляо, Ланжоугийн Их сургуульд түр хугацаагаар монгол хэлний зочин багшааражилласан.

1965 оноос багш, тэнхимийн эрхлэгч, декан, зөвлөх профессор зэрэг албан тушаалд ажиллаж байна.

Монгол хэлний найруулга зүй, гадаадын хүнд монгол хэл заах чиглэлээр мэргэшин, “Монгол хэл сурах бичиг”, “Монгол хэлний найруулга зүй”, “Монгол хэлний найруулгын төрөл”, “Найруулан бичих арга ухаан”, “Эхийн найруулга зүй”, “Яруу өгүүлэх чадвар”, “Илтгэх урлаг”, “Найруулга зүйн нэр томьёоны тайлбар толь”, “Найруулга зүйн судалбар”, “Монгол франц толь” зэрэг 30 гаруй ном, сурах бичиг, гарын авлага, 50 гаруй судалгааны өгүүлэл бичиж, Монгол, Франц, Бельги, Япон, ОХУ, БНСУ, БНХАУ-д хэвлэгдсэн.

Олон улсын эрдэм шинжилгээний 20 шахам хуралд оролцож илтгэл тавив.

“Гэсэр”, “Оюун түлхүүр”, “Чингисийн есөн өрлөгтэй өнчин хүүгийн цэцэлсэн шастир” зэрэг бүтээлийг франц хэлээр францын эрдэмтэдтэй, мөн францын шилдэг өгүүллэг, яруу найраг болон А. Сэнт- Экзюперийн “Бяцхан хунтайж” зэрэг бүтээлийг франц хэлнээс орчуулсан.

Монголын орчуулагчдын эвлэлийн “Дуун хөрвүүлэгч” шагнал (1997), Франц Улсын Гавьяаны одон (1998), Япон Улсын Кирияамагийн сангийн шагнал (1999), ЮНЕСКО-гийн үндэсний комиссын шагнал (2001), Францын Гаврелийн сангийн шагнал (2011) бүтээлүүдэд нь олгосон байна.

 

Зохиолч (орчуулагч)-ийн номууд