ЦАХИМ НОМ

Э. Оюун

Эрдэнэбатын Оюун (1918.02.02--2001.06.23) БНМАУ-ын Ардын Жүжигчин, анхны Маршал Чойбалсангийн нэрэмжит шагналт болон УГЗ, зохиолч, найруулагч, урлаг судлаач, орчуулагч.

1918 он 2 сар 2-нд одоогийн Улаанбаатарт төрж, 1934 онд Улаан-Үд хотын рабфакт, 1957-1960 онд Москва хотноо А.В.Луначарскийн нэрэмжит Театр урлагийн дээд сургуульд аспирантурт суралцсан.

1936 онд Гэгээрлийн яаманд орчуулагч, 1936 оноос Улсын төв театрт найруулагч, зохиолч, орчуулагчаар, 1960-1962 онд “Монгол кино” нэгтгэлд уран сайхны удирдагч, 1968 оноос УДЭТ-т уран сайхны удирдагч, 1975 оноос Монголын урлагийн ажилтны холбооны даргаар ажиллажээ.

Тайзны урлагийг хөгжүүлэхэд бүх амьдралаа зориулжээ. Монголын театрын ардын үндэслэлүүд сэдвээр судалгаа хийсэн.

“Буурал бүсгүй” хөгжимт драм, 1951 онд “Жаргалын зам” дуурийг найруулан тавьсан бөгөөд, “Евгений Онегин”, “Лусын дагина”, “Чио Чио Сан”, “Травиата”, “Богема”, “Октябрь”, “Игорь Ван” зэрэг 20 шахам дуурийн цомнолыг орчуулжээ.

Эх сурвалж: wikipedia

 

Ардын жүжигчин, зохиолч, орчуулагч Э. Оюун 1918 онд Богдын хүрээнд одоогийн Улаанбаатар хотод сэхээтний гэр бүлд төржээ.

Э. Оюун уран бүтээлийнхээ жилүүдэд 40 гаруй жүжиг орчуулсны дотор С. Михалковын «Улаан бүч», Мусатовын «Үнэт үр», Любимовын «Цасан хүү», Гоголийн «Байцаагч түшмэл» зэрэг олон тооны хүүхдийн жүжгүүдийг монгол хэлнээ орчуулж манай өсвөр үеийнхнийг гадаадын сонгодог жүжгийн зохиолтой танилцуулсан төдийгүй жүжгийн орчуулгын санд олон арван жүжиг орчуулж түүний сан хөмрөгийг баяжуулсан юм.

Э. Оюун «Хүүхдийг урлагаар хүмүүжүүлдэг нь» гэсэн тэмдэглэлийг бичсэнээс гадна зохиолч Ч. Ойдовтой хамтран хүүхдийн хэд хэдэн жүжгийн зохиол бичсэн нь Ардын Боловсролын Яамнаас эрхлэн хэвлүүлсэн «Аргат шар үнэг» хэмээх номд нийтлэгдсэн билээ.

Эх сурвалж: Хүүхдийн уран зохиолын дээж (1971) номоос

 

Зохиолч (орчуулагч)-ийн номууд