Хайрт эх орон ард түмнийхээ нийгэм журамт бүтээн байгуулалтын их үйл хэрэгт хувь нэмрээ оруулахыг үнэхээр хүсэгч иргэн бүхэн хар амиа бодож намуухан, дулаахнаар шар наран бор хоногийг өнгөрүүлэн өндөр хөх огторгуйд нар, сар ээлжилсээр өдөр шөнийг өнгөрүүлдэг, өнгийг эрмэлзэгч ертөнцөд нэр ашгийг хичээсээр нэг насыг нөхцөөдөг гэсэн бэртэгчин үзлийн сорон хөхөгч балчигт шигдэн живэхгүйгээр бие, сэтгэл, хэл, бүх хүч чадал юугаа олон түмний үйл хэргийн төлөө буцалт няцалтгүй зориулж, баясгалант хөдөлмөр, бүтээл туурвил, тэмүүлэл, хурц тэмцлийн дунд хав цэнгэлээ олж амьдрах хэрэгтэй. Энэ бол манай үеийн хүний ёстой жаргал мөн. Ийм амьдралыг Антон Чехов жинхэнэ аз жаргал гэж үзсэн билээ.
