Зохиолч: М. Е. Салтыков-Щедрин
Орчуулагч: Ш. Гаадамба
Ангилал: Үлгэр, домог Оросын уран зохиол Шог хошин
Хэвлэлийн газар:
Нэг удаа туулай чононд бурууджээ. Тэр туулай чонын ичээний хавиар гүйж явжээ. Чоно түүнийг үзээд «Туулай, жаахан минь, зогс!» гэж хашхирчээ. Гэтэл туулай зогссонгүйгээр барахгүй, давхиагаа нэмдэг байна. Тэгэхлээр нь чоно гуравхан харайгаад түүнийг барьж аваад хэлжээ: Чи намайг үг хэлэхтэйн зэрэг эс зогссоны чинь төлөө би урж тастаж амийг чинь хороох ял цааз чамд оноолоо. Гэвч эдүгээ би өөрөө цатгалан, өлөгчин минь ч цатгалан, бас тав хоногийн бэл нөөц байх тул чи энэ бутанд хяраад ээлжээ хүлээгтүн! Магадгүй, би... ха ха-ха!, амийг чинь хэлтрүүлэх ч юм бил үү! гэжээ...
