Миний хувьд бол Камо өнөө үеэс ирээдүйг илүү бодитой хардаг хувьсгалчдын нэг байв. Энэ нь тэднийг мөрөөдөгчид гэж байгаа юм биш, үгүй ээ, харин тэдний ангийн хувьсгалч сэтгэхүйн хүчин чадал нь тэднийг хөтлөн ахиулж тэдний өсөж дэгжихийн үндэс болж, бодол санааг нь бадрааж байхаар зохицон нийцсэн гэж байгаа хэрэг юм. Тэд бол өөрийнхөө ангийн амьдралд учрах хувьсгалт ажилд холбогдолгүй бүх зүйлийг хар дарсан хачин зүүд шиг санаж, социалист ирээдүйг бол өөрсдийнхөө амьдралын жинхэнэ бодит үнэн гэж үздэг хүмүүс юм.
