Зохиолч: Хатгин Ц. Дамдинсүрэн
Орчуулагч:
Ангилал: Монголын уран зохиол Аман зохиол Шүлэг, найраглал
Хэвлэлийн газар: Шинжлэх Ухааны Хүрээлэн
Тэрчлэн өнчин хөвүүний шастир мөн Чингисийн нэртэй холбогдсон юм. Гэвч ялгавартай зүйл бий. Дээрх зохиолуудын гол баатар нь Чингис хаан буюу түүний шадар өрлөг ноёд байхад энэ өнчин хөвүүний шастирт Чингис хаан ба түүний өрлөгүүдийн хамтаар үүдэнд суусан өнчин хөвүүн, зохиолын гол баатар болж оржээ. Энэ бол бүр өөр үзэгдэл бөгөөд феодалыг эсэргүүцсэн, ард түмний тэмцлийн нэг илрэл мөн.
Монголын аман зохиолын үлгэрт нэг өнчин муу хүү, тэнгэрийн хувилгаан, хааны баатар, ноёны бөх зэрэг олон хүчтэнтэй барилдан дийлдэг ба өнчин хүүгийн туранхай бор даага, ноёны салхин зээрд, шувуун цагаан зэрэг морьдтой уралдаад бас түрүүлж, эрийн гурван наадамд өнчин хүү ялж гараад хаан ноёны гуа дагиныг эхнэр болгон авах буюу хаан ноёны ширээг булаан эзлэв гэсэн иймэрхүү явдал олон гардаг байна. Ард түмэн, өөрийн ангийг өнчин хүүгээр төлөөлүүлж түүнийг их хаад, ноёдоос илүү хүчтэй болгон үзүүлдэг нь ард түмний мөрөөдөл хүслийн илрэл юм. Тэрчлэн өнчин хөвүүний шастир бол энэ дурдсан аман зохиолын үлгэрүүдтэй нэг чиглэлийн зохиол болно...
