Зохиолч: Эрскин Колдүвелл
Орчуулагч: Н. Доржготов
Ангилал: Америк уран зохиол
Хэвлэлийн газар: Улсын хэвлэлийн газар
Кристи Такер их үд өнгөрсөн хойно луусаа унаж, фермийн төв орохоор исгэрэн явав. Тэр өглөөжин байшингаа тойруулж шөргөн хашаа барих шон засаад түүнээ их юм хийсэнд бодож тэсгэлгүй баярлажээ. Кристи Такерт фермийн төв рүү байнга явах боломж үл тохиолдох тул хааяа тийн явах болбол завшааныг алддаггүй байв.
Тэр бээр фермийн дэлгүүрийн арын уяанаас луусаа уяад ажвал негр ажилчид өөртэй нь уулзан ярья хэмээн шимтэхгүй байгаа нь эн түрүүнд нүдэнд тусав. Кристи фермийн төвөөс гурван сарын өмнө гэр орноороо нүүх хүртлээ фермийн эзэмшил дээр ажилладаг хар арьстан хүмүүст элэгсэг ханддаг байлаа. Гэтэл тэд яагаад түүнийг хараа ч үгүй юм шиг байгааг үл ойлгов.
Кристи Такер «яагаад нэг нь ч мэндлэхгүй байгааг гайхан» фермийн захиргаа руу яаралгүй алхав. Хэд алхтал Фрогги Миллер дайралдав. Кристи, Фроггийг бултахаас нь урьтан гараас нь бариад,
— Өнөөдөр хүмүүс яагаад ийм хачин байна? гэж асуулаа...
