Зохиолч: Марк Твен
Орчуулагч: Ш. Гаадамба
Ангилал: Хүүхдийн уран зохиол Америк уран зохиол
Хэвлэлийн газар:
Энэ номд бичигдсэн олонх явдал үнэхээр болсон хэрэг билээ. Нэг хоёр нь миний биеэр үзэж өнгөрүүлсэн зүйл, зарим нь миний сургуулийн найзын явдал юм. Гек Финн бол амьдралаас авагдсан дүр юм. Том Сойер ч мөн ялгаагүй. Гэвч тэр нь тусгайлан нэг бодит хүн биш, харин миний таних гурван жаалын зан байдлыг нэгтгэсэн дүр билээ. Үүнд дүрийг товойлгон бүтээх зохиомжийн ёс оршино.
Энд дурдагдсан мухар бишрэлийн зүйлс, тэр цагт буюу одоогоос гуч, дөчин жилийн өмнө өрнөдийн багачууд хүүхэд, боолчуудын дунд голлож дэлгэрсэн зүйлс билээ.
Миний энэ ном голлож хөвүүд, охидын сонирхлыг татаж, сэтгэлийг хөгжөөхөд зориулагдсан боловч бас эрэгтэй, эмэгтэй томчуулд сонирхогдох болов уу гэж найдна. Түүнээс гадна бас урьд нэгэн цагт өөрснөө ямар байсан, юу санаж сэтгэж, юу ярилцаж явсан, ямар болчимгүй зүггүй золбоолог явсан тэргүүтнээ өгүүлсэн, нас гүйцсэн хүний наргиантай инээдтэй дуртгал бичиж үзэх гэсэн нэг бодол надад байсан билээ.
Зохиогч
1876 он
