Зохиолч: А. Алексин
Орчуулагч: Ч. Алтанзагас
Ангилал: Хүүхдийн уран зохиол Оросын уран зохиол
Хэвлэлийн газар: Улсын хэвлэлийн газар
Би түүнийг театрын ажилтнуудын орох хаалганы дэргэд хүлээж зогслоо. Яарсандаа нүүрнийхээ будгийг гүйцэд арилгаагүй жүжигчид гудамжинд гүйн гарцгааж, аль нэгэн машиныг зогсоочхож магадгүй гэж горьдохдоо гараа гозгонуулж байснаа энэ горьдлого ашиггүйг мэдээд метро руу гүйлдэв.
Жижигхэн биетэй тэр алчуураар толгойгоо ороочихсон яаралгүй гарч ирэв.
— Уучлаарай. Би танд... Та ид шидтэй жүжигчин гэж хэлэх гэсэн юм.
— Би юу?! Яагаад тэр вэ?
— Яагаад гэвэл өнөөдөр та миний эмээ боллоо. Миний хувьд та түүний амьдралыг уртасгалаа. Хамгийн сүүлийн удаа танай театрт би түүнтэй хамт ирсэн юм. Эрт ээ... дайны өмнө...
