Зохиолч: П. П. Бажов
Орчуулагч: У. Дамдинсүрэн
Ангилал: Үлгэр, домог Оросын уран зохиол
Хэвлэлийн газар: Улсын хэвлэлийн газар
Эрт цагт манай нутагт эгэл хүн тогтож суух аргагүй байжээ. Араатан амьтны идэш болж, хорхой шавжид баригдах үе байжээ. Энэ нутагт эхлээд баатар эрс ирж нутаглажээ. Тэр баатар эрс асар том чулуун биетэй болохоос биш хүнтэй төсөөтэй бил ээ. Чулуун баатрууд араатан амьтнаас айхгүй, ногоон толгойт соныг огт тоохгүй бөгөөд халуунд халж, хүйтэнд хөрнө гэхийн зовлонгүй, орон халх гэж ч тэдэнд хэрэггүй амар ажээ.
Тэдний ахлагч нь Мөнгөт гэдэг нэртэй баатар эр бүлгээ. Денежкин баатар, эндхийн хүдэр, эрдэнийн чулууны баялгийн дээжээр дүүргэсэн нэгэн шилэн аягыг манаж суудаг ажээ. Энэ учраас баатруудын ахлагчийг Мөнгөт гэж нэрлэсэн юм...
