Зохиолч: Хатгин Ц. Дамдинсүрэн
Орчуулагч:
Ангилал: Түүх Урлаг, соёл Намтар, дурсамж Замын тэмдэглэл
Хэвлэлийн газар: Интерпресс
Өвөр монгол нутгаар бид хориод хоног сурвалжлан явлаа. Энэ хориод хоногийн дотор бид хоёр жил танхимд сууж ном уншсанаас багагүй сонин зүйлийг олж мэдлээ. Бидний очсон газар бүр, уулзсан хүн бүр элэгсгээр угтаж, мандаж байгаа аж ахуй, цэцэглэж байгаа соёл урлагаа үзүүлэн сонирхуулж байлаа. Бидний явж үзсэн нутаг бол хэдийгээр хожим чөлөөлөгдсөн нутаг боловч өнгөрсөн хэдхэн жилийн дотор гайхаж биширмээр их их ажлыг бүтээсэн байна. Өвөр монголын төв Хөх хот бол эртний дурсгалт бөгөөд цог жавхлантай хотын нэг юм. 400 жилийн өмнө барьсан гоёмсог сүмийг сэлбэн засахын зэрэгцээгээр дөрөвхөн жилийн өмнө нүцгэн тал байсан газар одоо цагийн боловсон тоногоор тоноглосон тэргүүн зэргийн эмнэлгийн газар, Багшийн дээд сургууль, Мал эмнэлгийн дээд сургууль, Тариалангийн багаж зэвсэг хийх үйлдвэр зэргийг байгуулжээ. Хуучин Бугат хотын дэргэдэх уужим хөндийд аварга их үйлдвэрийн хотыг байгуулж байна...
