Зохиолч: Хатгин Ц. Дамдинсүрэн
Орчуулагч:
Ангилал: Монголын уран зохиол Намтар, дурсамж
Хэвлэлийн газар: Интерпресс
Ингэхлээр зохиолчийн энэ дэлхий дээр амьдарсан нас нь гучин нэгхэн жил байна. Үүнээс учир мэдэхгүй хүүхэд байсан арван хэдэн насыг хасвал үлдэх нь хорь хүрэхгүй жил байна. Ийм богинохон насныхаа дотор зохиолч Нацагдорж эрдэм сурч ч амжжээ. Ардын хувьсгалт засаг төрдөө ажил үйл ч бүтээж амжжээ. Түмэн үед мартагдашгүй уран зохиолын эрдэнэ бүтээж ч амжжээ.
... Энэ намтар богинохон боловч яруу найраг шиг сайхан намтар юм. Энэ намтарт баяр бахдал, эрдэм сурлага, янаг амраг, уран бүтээлийн амжилт, амьдралын баяр гомдол аль нь ч бий. Энэ богинохон намтрын голоор нь улаан шугам мэт татсан нэг зурвас байна. Тэр нь юу вэ гэвэл уран билигтэй манай сонгодог зохиолч, эх орондоо хайртай цогтой хүү, ард түмэндээ үнэнч сайн нөхрийн дүр дурайн харагдаж байна.
