Зохиолч: В. Дмитриева
Орчуулагч: Юра
Ангилал: Хүүхдийн уран зохиол Оросын уран зохиол
Хэвлэлийн газар: Улсын хэвлэлийн газар
Багш толгой сэгсрэн:
— Эгч минь, би хүүг чинь хүлээж авахгүй. Манай сургууль зай муутай, томчуулд нь байргүй байхад харин та бүр нялх хүүхэд авчирч байна. Би хүүгийн чинь яах ч арга алга! гэв.
— Хүлээж ав л даа, гэмгүй! Яая даа охин минь, эд нартай байхад надад их хэцүү байх юм. Миний нөхөр нас барж, би бэлэвсэрч хоцорсон, бас долоон хүүхэдтэй, бүгдээрээ жижигхэн, ихэнх нь хүүхэн. Эдэнтэй чинь зүгээр толгой эргэчих юм! Охидыг ч яах вэ би бариад байж чадах юм. Харин энэ дүрсгүй амьтан л ганцаараа маллагдахгүй хэцүү байх юм. Анна Михайловна, сургуульдаа оруул л даа. Таны өргөмөл хүү болсон ч яах вэ! гэв...
