Зохиолч: П. П. Бажов
Орчуулагч: У. Дамдинсүрэн
Ангилал: Намтар, дурсамж Оросын уран зохиол
Хэвлэлийн газар: Улсын хэвлэлийн газар
Барышевынхан тэр тоосгон байшин мухлагуудыг Маринушка бид хоёрын олж өгсөн алтаар барьсан юм. Барышевын тэр хорон санаат авгай яг эгзэгтэй үеийг олж намайг архиар шахсан байжээ. Хүмүүс тэр аяга архиар намайг одоо болтол дооглосоор байна. Дооглууллаа гээд надад юу болох вэ? Яриангүй тэнэг хэрэг. Гэсэн ч хүний юм хулгайлаагүй, өөрийнхөө олсон олзыг л архинаас өгөөд уучихсан юм даа.
Согтуугаар минь намайг яаж тонож, эхнэрийг минь үхлийн ам руу түлхсэнийг нь л худалдаачдаас асуумаар санагддаг юм. Цаг ирэхэд тэднээс асууна даа. Асуух асуухдаа хэцүү асууна шүү! Тэр цагт л Марина бид хоёрын олсон олз тооцоонд орох юм даа...
