Зохиолч: К. Э. ЦИОЛКОВСКИЙ
Орчуулагч: Д. Цэрэн
Ангилал: Байгалийн шинжлэл Оросын уран зохиол Адал явдалт уран зөгнөл
Хэвлэлийн газар: ГЭГЭЭРЛИЙН ЯАМНЫ ХЭВЛЭЛ
Хэдийгээр бид гадагш гарах бодолдоо автагдсан байсан ч зарим нэг зүйлийг ажиглаж явав. Жишээ нь бид өндөр бөгөөд өргөн тасалгаа дотуур явахдаа, булчингийнхаа хүчийг болгоомжтой зарцуулах хэрэгтэй байв. Тэгэхгүй бол дэлхийн нойтон цасан дотуур буюу мөсөн дээгүүр яваа юм шиг хөл халтирч байв. Гэвч ойчих аюулгүй байлаа. Харин бие нэлээд хэмжээгээр ойж байлаа. Урагш хурдан явах гэтэл их ачаатай тэрэг зүтгэж байгаа морь шиг тонгойх хэрэгтэй байв. Харин энэ үед манай хөдөлгөөн маш хөнгөн байсан. Шатаар буухад гишгүүр тоолон алхах маш залхуутай байв. Алхаж явах яасан ч удаан юм! Удсан ч үгүй бид дэлхий дээр жирийн явдаг алхаагаараа энд дэгдгэнэн явж сурав. Шатаар өгсөж, буухдаа сургуулийн хамгийн тархигүй хүүхдүүд шиг арав буюу түүнээс ч олон шат алгасан харайдаг болов.
Заримдаа ч бүр бүх шатыг бүтнээр алгасаж, цонхоор ч үсэрч үзэв. Ер нь дэвхэрдэг амьтан, жишээ нь, царцаа буюу мэлхий болж хувирах албатай болов.
Ингээд, бид гадагш үсрэн гарч ойрхон уулсын нэгийг чиглэн гүйв...
