Зохиолч: М. Горький
Орчуулагч: Я. Аюурзанаев
Ангилал: Оросын уран зохиол
Хэвлэлийн газар: УЛСЫН ХЭВЛЭЛИЙН ХЭРЭГ ЭРХЛЭХ ХОРОО
Яков Артамонов хорин зургаан нас хүртлээ ямар нэг онцын эвгүй байдалд оролгүй амар тайван амьдарч байжээ. Гэтэл тайван амьдралд дуртай хүний дайсан болсон цаг үе нь Яковыг шударга бусаар будилааны тоглоом болгож эхэлсэн ажээ. Энэ нь тэвчээр ихт ард түмнийг сэгсчин сэргээсэн бослого гарснаас хойш гурван жил өнгөрсний дараа дөрөвдүгээр сарын нэг шөнө эхэлсэн юм.
Яков тамхиа татаж хүсэл бүхнийг мухарлагч сэтгэл ханасны цэнгэлийг эдэлж диван дээр жаргаж хэвтсэн билээ. Амьдралын бүх зорилго энэ л тачаангуй сэтгэлд байдаг гэж Яков боддог учир үүнийг амьдралдаа эрхэм болгодог ажээ.
Энэ нь амттай хоол идсэний дараа мөн эмэгтэйг эрхшээн эзэлсний дараа нэгэн адил аятай сайхан мэт санагддаг билээ.
Өрөөн дунд гулдамхан тэгш биетэй эмэгтэй...
