Зохиолч: Р. Киплинг
Орчуулагч: Ц. Шагдар
Ангилал: Үлгэр, домог Британийн уран зохиол Адал явдалт
Хэвлэлийн газар: Улсын хэвлэлийн газар
Каа бол ууланд орших аварга могой бөгөөд төрсөн өдрөөсөө хойш лав хоёр зуугаад удаа гуужиж арьсаа сольсон буй за. Тэр нэгэн шөнө Хүйтэн Ичээнд Мауглийн амийг Каа аварсныг Маугли мартдаггүй учир түүнд золгохоор ирснийг та бүхэн мэдэж байгаа биз ээ. Могой гуужсан үедээ шинэ арьсаа гялтганасан сайхан болтол ууртай байдаг. Каа, Мауглийг дооглохоо больсон билээ. Харин Мауглийг бүх жунглийнхний нэгэн адил Жунглийн эзэн гэж үзэх тул өөрийнхөө зэрэгтэй аварга могой дуулж болох хэр баргийн сониныг ярьж өгчээ. Дээд, доод, дунд жунгли, дов сондуул, мухар хожуул, бул цул мод чулуу зэргийн дэргэдэх амьдралын тухай Каагийн үл мэдэх юм түүний хальсны өчүүхэн нэгэн хайрсан дээр багтчих байх аа.
Тэр өдөр Маугли, Каагийн...
