Зохиолч: В. О. Богомолов
Орчуулагч: Ч. Гүнсэн
Ангилал: Оросын уран зохиол цэрэг дайны сэдэвт
Хэвлэлийн газар: Улсын хэвлэлийн газар
— Айж байна уу? гэж асуувал
— Ялимгүй, гэж дуулдах төдий хэлж зөвшөөрөөд, — Яагаад ч дасахгүй юм даа. Уур хилэн бадраад л... Гуйланч шиг явахдаа ч, бас л яагаад ч дасахгүй юм. Энэ, яасан гуниг вэ! гэж жаал хүү шүүрс алдав.
Хүүд хэчнээн их бахархал, нэрээ хичээх, бас салж хагацах, гутарч гуних аль аль нь бийг би улам сайн ойлгов.
— Сонс л доо, манай батальонд Бондарев гэж бий. Тэр бас Гомелийнх. Тохиолдлоор ах дүү биш биз?
— Үгүй, надад ах дүү байхгүй. Ганц ээжтэй. Тэгээд бас хаана байгааг нь мэдэхгүй... Миний нэр үнэндээ Бондарев биш харин Буслов гэж хэлэхдээ хоолой нь зангирч байв.
— Тэгвэл Иван гэдэг биш үү? гэвэл,
— Үгүй, Иван гэж дууддаг юм...
