Зохиолч: Мишко Кранец
Орчуулагч: Д. Гонгор
Ангилал: Гадаадын уран зохиол
Хэвлэлийн газар: Улсын хэвлэлийн газар
1941 оны улаан өндөгний баярын үе. Хавар эртийн хүйтэн нар гийнэ. Нуга тохой намар цагийнх шиг шарлан харагдана. Тариан талбай бас л хагалах болоогүй цаг аж. Уулын модод нүцгэн, гагцхүү үзэгдэх төдий гөлөг нь булцайжээ. Ганцхан байшингийн цаадах яргай мод цэцэглэн, тал хөндийн хонин бургас горхи дээгүүр урт цагаан баг цэцгээ хаялна.
Ийм нэгэн цагаар Светковын гэрт сая германчууд хүрч иржээ. Тэдний гэр бүлийнхэн германчуудыг тэсэж ядан хүлээж байлаа. Тэдний ажил хэрэг бүтэмжгүй, бас тэгээд хавь ойрынхон нь германчуудыг ирэхээр амьдрал нь арай гайгүй болно гэж ярилцдаг болохоор тийнхүү хүлээж байсан билээ. Бүдүүн яргай саваа ч явахад нь тус болох нь бага тул үргэлж пийшингийнхээ ард бөгтийн сууж байдаг Марко өвөө зөөлхөн тамхитай гаансаа үргэлж сорон германчуудын тухай хачин гайхмаар юм ярина...
