Зохиолч: Юрий Нагибин
Орчуулагч: Ж. Лхагва
Ангилал: Оросын уран зохиол
Хэвлэлийн газар: Улсын хэвлэлийн газар
Нина бид хоёр сургууль төгссөнөөс хойш хорин жил уулзсангүй. Аав Зөвлөлийн ордны тэнд шинэ байранд орсноор түүнээс ч өмнө бид айл хөрш байхаа больсон билээ.
Нина манай ангийн Юрка Петровтай суусан гэдгийг Анагаах ухааны дээд сургуулийн шалгалтад бэлдэж байх үедээ дуулсан билээ. Тэр бээр Лемешевтэй ч суусангүй, Бабочкинтай ч суусангүй, Конрад Вейдттай ч суусангүй ердөө л Юрка Петров, нөгөөх хэврэг ястай (дугуйн уралдаан, цанын харайлт, мөсөн гулгуурын талбайд хэчнээн ч удаа ясаа хугаллаа) гулжгар гайхалтай л суусан байлаа. Энэ нь намайг илтэд дооглосон хэрэг шиг тэгэхэд санагдсан юм. Тэгээд ч урьд нь Нина түүнийг ганц нүдээр харж байгаагүй билээ.
Дайны дараа сургуулийн нөхөдтэй манай холбоо бүрмөсөн тасарлаа...
