Зохиолч: Д. Цэвэгмид
Орчуулагч:
Ангилал: Монголын уран зохиол Хүүхдийн уран зохиол Шүлэг, найраглал
Хэвлэлийн газар: БНМАУ-ын Ардын боловсролын яамны хэвлэл
Алтай ханы архан бие
Асгат хайрхнаар нутагладаг
Эгэл малчны ямаан сүрэгт
Ихэр гурван ишиг төржээ.
Эхэлж гарсан эгчмэдийг
Эрээн цоохор толбоор нь
Дагаж гарсан дараадахыг
Даруу орог зүсээр нь
Хожуу гарсан отгоныг
Хондлой алаг тэмдгээр нь
Эрээдэй, Орогдой, Алагдай гэж
Эзэн нь эрхлүүлэн нэрлэв.
Ажиж сайтар харвал
Алагдай тун ч соньхон
Цавиараа цагаан алаг
Хүзүүгээрээ хөх алаг
Магнайдаа саран толботой
Хошуундаа ногтон зурвастай
Овоо эелдэг зантай
Цовоо хөөрхөн ааштай ажээ...
