Аня гагцхүү мөнгөтэй болохын төлөө түүнтэй ханилсан байтал, харин хүнтэй суухын өмнөхөөс ч бага мөнгөтэй байдаг болжээ. Эцэг нь урьд ядаж хорь гучин мөнгө ч болов өгдөг байж билээ. Гэтэл одоо Аня сохор зоос ч үгүй сууж байлаа. Сэмхэн авчих буюу гуйх санаа байвч, нөхрөөсөө айн бэмбэгэнэдэг байжээ. Модест Алексеичаас айх явдал Аннын сэтгэл зүрхэнд аль хэдийнээс шингэсэн мэт санагддаг байлаа.
