Зохиолч: Хуан Рульфо
Орчуулагч: Б. Энэбиш
Ангилал: Гадаадын уран зохиол
Хэвлэлийн газар: Тодорхойгүй
Манайхан бүр уруудаж гүйцэв. Өнгөрсөн долоо хоногт Хасинта эмээ маань өөд болов. Эмээгээ хөдөөлүүлчхээд уй гуниг маань гайгүй болж байтал бямбад урьд өмнө байгаагүй их бороо асгав. Наранд хатаахаар тавьсан хамаг арвай маань бороонд шалба цохиулж хэдийгээр атгахан ч гэлээ бид түүнээ авч амжаагүй учир эцэг маань бүр гутарч гүйцэв. Үерийн ус оволзон, зайлуулж амжаагүй жаал арвайг минь аваад явчхав. Бид саравч дороо бөөгнөрөн арвайнхаа шаргал түрүүнүүдийг усанд сүйрэхийг яалт ч үгүй дэмий л харж зогсов.
Дүү Тачаг минь арван хоёр нас хүрэхэд эцгийн маань түүнд бэлэглэсэн үнээг гол үерлээд аваад явчихжээ гэж бид бас өчигдөр сонсов...
