Зохиолч: М. Е. Салтыков-Щедрин
Орчуулагч: Ш. Гаадамба
Ангилал: Үлгэр, домог Оросын уран зохиол
Хэвлэлийн газар:
Хаант нэгэн улсад нэг баатар төржээ. Яга-эм гэгч шуламс түүнийг төрүүлж, хөхүүлэн тэжээж, бойжуулсаар тэнгэрт тултал өсөж том болоход нь өөрөө ясаа амрахаар цөл газар одож, баатрыг дөрвөн зүг найман зовхист суллан тавихдаа: Баатар чи явж гавьяагаа байгуул гэж хэлжээ.
Баатар, мэдээж хэрэг, ойд очилгүй яах вэ! Очоод үзвэл нэг царс ургаж байжээ. Түүнийг баатар үндсээр нь суга татав. Бас өөр нэг царс ургаж байв. Түүнийг баатар гараа зангидан хуга цохив. Гурав дахь царс байхыг үзвэл голдоо хөндий хонгилтой аж.
Баатар авиран гарч хонгилд нь ороод дугжирч гарчээ...
