Зохиолч: Ах дүү Гримм
Орчуулагч: Ц. БАЛДОРЖ
Ангилал: Үлгэр, домог
Хэвлэлийн газар: Ардын Боловсролын Яамны Сурах бичиг, сэтгүүлийн нэгдсэн редакцын газар
Аглаг их ойд ядуу модчин эр эхнэр, хоёр хүүхэдтэйгээ аж төрдөг байжээ. Хүүг нь Гензель, охиныг нь Гретель гэдэг юм санжээ. Тэд ядуу амьдралтай юм гэнэ. Тэр үед тэдний нутагт юмны үнэ тэнгэрт хадаж улам хэцүү болжээ.
Нэгэн өдөр яаж амь зогоох билээ гэж бодож хэвтсэнээ нөхөр эхнэртээ:
— Хөөрхий хүүхдүүдээ бүү хэл өөрсдийнхөө ч амийг зогооход хэцүү боллоо. Одоо яах билээ? гэж гэнэ. Эхнэр нь:
— Үүр хаяарахаар хамгийн харанхуй ойд хүүхдүүдээ аваад очъё. Түүдэг гал асаагаад хэрчим талх өгье. Өөрсдөө ажилд явцгаая. Тэд буцаад замаа олохгүй гэж...
