Зохиолч: Ах дүү Гримм
Орчуулагч: Ц. БАЛДОРЖ
Ангилал: Гадаадын уран зохиол Үлгэр, домог
Хэвлэлийн газар: Ардын Боловсролын Яамны Сурах бичиг, сэтгүүлийн нэгдсэн редакцын газар
Тэр цааш таамгаар явсаар нар жаргааж шөнө болгож тэнэ. Харанхуйд мод шуугин, шар шувуу чарлан аймшигтай зэвүүн санагджээ. Модон дундуур сүүмэлзэх өчүүхэн гэрлийг охин олж харж гэнэ. «Тэнд хүн амьдардаг байх ёстой. Намайг гэртээ хонуулж магад» гэж бодоод голыг чиглээд явжээ. Удалгүй байшинд дөхөөд ирсэн чинь цонх нь гэрэлтэй байж гэнэ. Хаалгыг нь тогшсон чинь сөөнгөтсөн хоолойгоор:
— Ор! гэж хашхирчээ.
Хаалгыг нь онгойлгоод харсан чинь ширээ дамнан газар шүргэх шахсан цасан цагаан сахалтай өвгөн хоёр гараараа шанаагаа тулаад сууж байна гэнэ шүү. Харин пийшингийн хажууд эр, эм хоёр тахиа, алаг эрээн үнээ гурав хэвтэж байна гэнэ. Охин, өвгөнд төөрч будилсан тухайгаа яриад гэртээ хонуулахыг гуйж гэнэ...
