Зохиолч: П. П. Бажов
Орчуулагч: У. Дамдинсүрэн
Ангилал: Үлгэр, домог Оросын уран зохиол
Хэвлэлийн газар: Улсын хэвлэлийн газар
Төдхөн Ефим ах яриагаа төгсгөлөө. Түүдэг гал ч унтарч, нурам улалзаж байвч алт эрэлчид түүнийг ширтэн суусаар л байлаа.
Гэнэт нурам дундаас, цэнхэр сарафантай, цэнхэр алчуур зангидсан, улаан шаргал үстэй, хүүхэлдэй шиг жижигхэн охин гараад иржээ.
Охин сэргэлэн хоёр нүдээ эргэлдүүлэн, хаш цагаан шүдээ яралзуулан байж, өрөөсөн гараараа ташаагаа тулж, алчуураа даллан бүжиглэж эхлэв. Эвлэг аятайхан бүжиглэхийг нь хэлээд юу хийх вэ. Өвгөчүүлийн зүрх сэтгэл догдолж, хараад хараад ханахгүй, бодол бодсон мэт дув дуугүй сууцгаав.
Охин эхлээд нурам дээгүүр тойрон бүжиглэснээ, арай давчуу байсан бололтой, холдон тойрч бүжиглэв...
