Зохиолч: Илья Эренбург
Орчуулагч: Т. Жамбал
Ангилал: Түүх Оросын уран зохиол цэрэг дайны сэдэвт
Хэвлэлийн газар: Улсын хэвлэлийн газар
Гуанзны эзэн өөртөө Андред хоёр кальвадос хийж, хундага тулган:
— Мэндийг ерөөе! Дайн болох нь энэ дээ! Ингэдэг байж дээ... эд үхээд өгдөг болоосой!.. гэж хэллээ.
Эргэн тойрон маргаан дэгдэнэ: Энэ ч дайн арай биш л дээ. Энэ бол зөвхөн дайчилгаа
— Үгүй ээ, одоо дайн болчхоод байна, зайлах ч газар алга. Хувхай хар Гитлер!..
— Гайгүй... ам хэлээ ойлголцох юм байгаа биз...
Саравчтай малгайтай нэг ажилчин гуанзны отуул нохойд ёотон хаяж өгөөд:
— За салахаасаа өмнө нэг юм хэлээд аль!.. Эд өнгөрсөн намар яагаад хуйвалдсан байна вэ? Яах юу байх вэ дээ, айхдаа л тэгээ биз. Оросуудтай нийлэхгүй л гэсэн хэрэг. Гэтэл одоо өөр болоод явчихлаа. Одоо эд дайчин болж таарна. Эдний санаа ч гитлерийн талд л даа. Бид балрах нь илэрхий боллоо. Амиа алдах нь хэн бэ? Бид ээ!.. Зүтгэнэ шүү, хонгор минь. зүтгэнэ шүү! Би бас хоёрдугаар зэрэгтэй цэрэг шүү... гэж хэллээ.
