Зохиолч: П. П. Бажов
Орчуулагч: У. Дамдинсүрэн
Ангилал: Үлгэр, домог Оросын уран зохиол
Хэвлэлийн газар: Улсын хэвлэлийн газар
Ялихгүй дарин чүдэнзнээс ийм нэг хэрэг явдал гарсан юм. Хүмүүс дариар чүдэнз хийж эхэлснээс хойш тийм их удаагүй зуу гаруйхан жил өнгөрсөн бол уу даа? Гэвч анх гарч байсан үед улс амьтан их цэцэрхэж, зарим нь бүр дэмий юм бодож байжээ. Зарим хүн сүрэл үзүүрлэж чүдэнз хийе гэж бодож байсан бөгөөд, хавирахад хөх ягаан, ногоон элдэв өнгийн гэрэл гарахаар хийх гэж бодож байсан ч хүн бий. Хайрцаг хийхдээ багагүй чамирхаж байжээ. Үнэнийг хэлэхэд, тийм чүдэнз маяг болон дэлгэрсэн үе билээ.
Манай эндхийн заводод ган хайлдаг мастер Власыч гэгч хүн тэр чүдэнзийг их сонирхож оролдсон юм. Ган хайлуулахдаа нэрд гарсан хүн байжээ. Цахиур чулууг хавирахад гал гарч уул ноцоох тийм ган хайлуулъя гэж Власыч мастер боджээ. Урьд байгаагүй хатуу ган хайлуулж түүгээрээ чүдэнз хийв. Тэр чүдэнзээр...
