Зохиолч: П. П. Бажов
Орчуулагч: У. Дамдинсүрэн
Ангилал: Оросын уран зохиол Түүх Намтар, дурсамж
Хэвлэлийн газар: Улсын хэвлэлийн газар
Нэг өдөр ярьж суугаад, Марфуша:
— Торгон довон дээр зөөлхөн ногоон өнгөтэй ямар чулуу байдаг вэ? Тэр чулууг нүдэж бяцлахад маалинга шиг сэвсийдэг үү? гэж асуухад, Юрко:
— Мэдэхгүй юм, тийм чулуу үзээгүй, Торгон дов гэж сонсоогүй юм байна гэжээ.
— Торгон дов цөөрмийн цаана ойрхон бий. Жимс түүсэн улс тэр дов дээр гардаг юм. Жижигхэн хэр нь содон дов шүү. Холоос харахад торгон алчуур дэлгэсэн мэт харагдана. Тэр чулуу л нарны гэрэлд гялалзан, ногоон өнгө солонгорч байдаг нь тэр юм гэж Марфушаг ярьсанд Цох Юрко:
— Очиж үзэх хэрэгтэй юм байна. Чиний ярианаас үзвэл гөлтгөнө л баймаар юм. Гагцхүү ногоон өнгөтэй солонгордог нь хачин юм даа. Маргаашийн сайн өдөр чиний Торгон довыг очиж үзье байз гэв.
Торгон довыг яаж олж очихыг Марфуша Юркод зааж өгөөд явуулжээ. Маргааш нь Юрко шуудай дүүрэн чулуу чирч ирээд,..
