Зохиолч: Гуидо Гоццано
Орчуулагч: Г. Оч
Ангилал: Үлгэр, домог Италийн уран зохиол
Хэвлэлийн газар: БНМАУ Боловсролын яамны Сурах бичиг, хүүхдийн номын хэвлэлийн газар
Нэгэн удаа цэцэрлэгт зугаалж явтал модны завсраар цэнхэр хувцастай хүн зурсхийн өнгөрөх нь харагдав. Өглөөний нар шиг үзэсгэлэнт бүсгүй морины хашаа тийш гүйхийг харав. Кандидо араас нь гүйн хаалга хүрдгийн даваан дээр гүйцэж очоод:
— Та хэн гэгч вэ, хаанаас явж байна? гэж асуув.
Бүсгүй тэгэхэд нь залбиран гуйсан нь:
— Залуу минь би Кореландий Вангийн охин Ассунта гүнж байна. Шилтгээний эзний эхнэр болохгүй гэсэн чинь тэр хорон санаат шидтэн намайг гүү болгон хувиргасан юм. Тэр удахгүй эргэж ирнэ. Хэрэв таны хийсэн ажилд сэтгэл нь хангалуун байвал шагналд нь энэ морьдоос нэгийг шилж аваарай гэнэ. Би хаалганаас баруун тийш, морины хашааны гурав дахид зогсож байна. Залуу минь намайг шилж аваарай. Та алдахгүй шүү «тангараглая» гэв...
