Зохиолч: И. С. Тургенев
Орчуулагч: Хатгин Ц. Дамдинсүрэн
Ангилал: Оросын уран зохиол
Хэвлэлийн газар: Интерпресс
Хатан авгайн албатын дотор хамгийн эрхэм нь Герасим хэмээх алд хагас өндөр биетэй төрөлхийн дүлий бөгөөд хэлгүй баатар эр байжээ. Үүнийг тосгоноос авчрахаас өмнө ах дүү нараасаа тусгай бяцхан байшинд ганцаар сууж хувийн жижиг өмчтэй тариачдын дунд хамгийн бүтэлтэй хүнд тооцогдох шахам байжээ. Угаас тэнхээтэй төрсөн Герасим болбол дөрвөн хүний ажлыг ганцаар хийж түүний гарт хамаг ажил буцлан оргилох ба газар хагалахдаа лут, гараараа анжсыг дарж муу морины тусламжгүйгээр газрыг зүсэж байх мэт бөгөөд түүнийг харахад сэтгэл сэргэнэ. Петров хэмээх сайн өдөр хадуур барьж ажиллах нь залуу модыг боловч үндсээр нь хяргамаар байх ба эсхүл гурван алд цохиураар тариа үргэлжлэн цохиход Герасимын урт хатуу шөрмөснүүд нь хөшүүр мэт дээш дорогш хөдөлнө. Ямагт дуугүй байх нь түүний ядаршгүй ажлыг ихэмсэг ёслолын байдалтай болгоно. Герасим сайхан эр байсан ба ийнхүү эрхтнээсээ салаагүй ахул ямар ч бүсгүй үүнтэй дуртай суух байсан. Гэтэл Герасимыг Москвад авчран...
