Зохиолч: Майфа Абдель Рахман
Орчуулагч: Э. Бүрэнхүү
Ангилал: Гадаадын уран зохиол
Хэвлэлийн газар: Улсын хэвлэлийн газар
— Халид, хэрэггүй гээд бүсгүй нүүрээ шальгүй буруулахад залуугийн уруул түүний эрүүнд хүрэв.
Залуу бүсгүйн мөрийг чанга тэвэрч дахин үнсэх гэсэн авч чадсангүй. Халидын урам хугарч, гомджээ. Бүсгүй маяглаж залуугийн тэвчээрийг алдуулан уурыг нь хүргээд өөрөө хачин сэтгэл ханажээ.
Халид бүсгүйг тэврэхээ болиод бүсгүйн толгойд ямар бодол төрснийг таах гэсэн мэт,
— Чи чинь өнөөдөр яачих аа вэ? гэж түргэн асуув.
Самира өөдөөс нь инээмсэглэв. Залуутай үнсэлдэх хүсэл их байвч бардам зан нь дийлжээ...
